Posts filed under ‘Bitch en Moan’

Voeg tog nuwe artikel by

Ek kan nog steeds myself soos Repelsteeltjie aan die voet beetkry en van skone moerigheid mitteltwee skeer. Kon sit ek en sit die wifi goggatjie aan, dan flikker die liggietjie tot Piet nie meer wil kom nie.  Bel Vodadonnercom en hoor “reset”.  Hoekom de vy moet ek heeltyd reset?  Dit gaan nie beter konnekteer nie.

Ek raak sommige dae so kwaad. Ek wil die muur buite vol ghries gaan smeer sodat Telkom se narre se leer gly en hulle nie teen die paal kan op nie.  Maar…. Ek hom agter dis nie net vodacom wat my keer nie.  Ek het die naweek kom sit, dan het die liggie groen vasgebyt.  Dan lui my telefoon.  Ek het ‘n vriendin wat ‘n powerhour koop en die hele uur ompraat.

Maar ons stryd bly maar met vodacom.  Eintlik is sein in sy geheel ‘n probleem.  Die kinders probeer my altyd om ‘n landlyn met adsl te laat insit.  Glo baie minder moeite.  Hoe meer die probleme vir hulle noem, des te meer stry hulle met my.  Maar nou ja, daar is mense wat  adsl en wifi het en dan sweer hulle het meer sukses met die wifi.

So ek sal maal aanhou probeer. die anderaand het ek van 21:00 tot 1:00 Free Cell gespeel voordat die liggie uiteindelik op groen vasgebyt het.  Toe het ek net nog die energie gehad om te skryf en stuur wat gedoen moes word sodat Homer nie dikbek soos ‘n kleuter hier rond moes stap nie. Toe was my gô behoorlik uit.

Ten minste kry ons nog nie beurtkrag nie.

Advertisements

Mei 14, 2018 at 11:18 nm 10 Kommentaar

Wat gaan aan?

So dikwels kry ek ‘n boodskap wat sê “Gaan kyk of like my foto’s op fb.” Nou kyk, ek doen al jare lank nie meer fb nie.  So dan wag ek maar tot Homer op die internet gaan en gaan kyk dan die foto’s.  Maar o wee! Die kennis het net mooi presies nege fb profiele.  Of is dit blaaie?  Ek vra watter een want almal het dieselfde foto’s.  Sy weet nie.  ‘” Die nuutste een.” For the love of ‘Arry.  Ek moes al nege oopmaak om die regte een te kry.

Sy is nie die enigste nie.  Wil lyk of baie mense glo in meer as een fb rekening.  Vergeet hulle die pin dat hulle elke paar maande of is dit dalk elke keer as hulle nuwe foon of tablet kry? Genugtig tot nou toe nog toe.  Jy kan tog sekerlik jou pin van fb af aanvra as jy dit vergeet het.  Ek het nie ‘n “Little black book” nie, maar wel ‘n klein grys boekie waar ek weer my mensies se bedsokkie grote elke jaar skryf, as ook hoeveel steke en rye gebrei het. Maar so elke paar bladsye is daar onderaan ‘n random woord geskryf.  Verbasend genoeg is dit soms pin’s.  Soos vir Pinterest en Elle ens en meestal onthou ek watter pin gaan met watter tuiste.

Gedagte van die dag:  Skryf jou pin agter op die almanak neer en volgende jaar as jy nuwe almanak kry, skryf dit maar weer neer. So het jy dit mos altyd.

 

 

 

 

 

 

 

 

 

Januarie 28, 2018 at 11:25 nm 7 Kommentaar

Praat van….

Ag, nou ja.  Vandag doen ‘n whats app boodskappie die rondte dan vanaf môre, 1 November 2017, sal ons geen meer sosiale media vryheid of dan privaatheid hê nie.  Hoe waar dit is, sal ek nou nie wil ma staan voor nie.  In hierdie ou landjie van ons is niks mos onmoontlik nie.  Maar blykbaar gaan Facebook, Twitter, Whats app en so voort alles gemonitor word.

Dus, seker nou kommunisme in wording.  Alhoewel, ek het nog altyd gedink dit gaan gebeur. Maar, ek moet nou nie afdwaal nie.  Sedert ek maar onthou, het ons 15kilgram aartappels gekoop.  Toe het dit 10 kilogram geword, deesdae is dit al 7kg.  Toe het ‘n sak hondekos wat nog altyd 10kg was, skielik 8kg geword en deesdae is dit natuurlik meer dikwels 7kg.  Tog, by die Petshops is die spesialis tipe hondekos nog steeds in 10kg beskikbaar.  Dis nie asof ons minder betaal het vir die kleiner maat nie. Inteendeel, ons moet seker nou die verstellings aan die masjiene om die gewig aan te pas en die regstelling op die sakke met elke aankoop borg.

Tamatiesous was al die jare 750ml, toe tel ek eendag ‘n bottel tamatiesous van die rak af en dit voel ligter as wat dit moes wees.  Homer het toe gesê “Pure verbeelding.” Tuis, merk ek altyd eers die kruideniersware met die datum.  Toe ek die tamatiesous merk, merk ek sommer op dis net 700ml.  Maar die bottel tamatiesous was ongeveer R2 duurder as die vorige maand.  Ek moes natuurlik toe gaan seker maak, die bottel in die yskas was nog 750ml.  Ons gebruik natuurlik bitter selde tamatiesous oor die kos, eerder in die kos soos kerrie noedelslaai waarvoor almal in die gesin besonders lief voor is.

So het ek eendag twee pakke van 2.5kg suiker van die rak afgehaal.  Toe het ek gesien ‘n ander soort is goedkoper.  Toe het ek Homer gevra om te gaan omruil.  Ons was al besig om ons inkopies uit te laai om opgelui te word, toe het ek gesien die pakke suiker was net 2 kg, nie 2.5kg nie.  Nodeloos om te sê het ek nie gedink dat die R1 wat die kleiner maar goedkoper was, was enigsins special nie.  Ek het die dame gevra om te wag en weer gaan omruil.

Maar alles is mos so anti kolonialisme.  Ek kan met sekerheid sê ek het meer van die pond en onse stelsel vergeet as wat ek ooit geleer het.  So die vraag waaroor ek nou wonder, is waarheen is ons oppad met die nuwe gewigsmate? Watse veranderings in gewigsmate het julle al opgelet?

Gedagte van die dag:  Wil ek byhou?

Oktober 31, 2017 at 8:57 nm 10 Kommentaar

Waar is die vertroue?

Homer probeer nou al ‘n geruime tyd sy mtn kontrak kanselleer.  Wat? Net mtn?  Waar ons voorheen gewoon het, kon mens nie eintlik net een selfoonmaatskappy ondersteun nie. Meestal het ons ‘n paar dae per week nie die een of ander se sein gehad nie.  Ewentwel, toe ons dorp toe getrek het, het ons besef al is daar meestal maar probleme met internet toegang, is daar nogal volhoubare sein.  Dus het ons nie meer twee selfoon nommers van die twee selfoon reuse in Suid Afrika nodig nie.

Toe ek die eerste keer my kontrak met mtm wou kanselleer, het hulle hierdie goeie aanbieding gehad wat net te goed was om te los.  Daar kom ek toe weg met ‘n nuwe selfoon en steeds goedkoper lugtyd as wat ek sou kon koop en nog boonop gratis data ook.  Verlede jaar laat weet Simon op die buurdorp by Mtn dat hy ‘n simpel foon het (stroes bob, dis die woorde wat hy gebruik het) wat hom aan my laat dink het en toe het hy gaan seker maak en ek kan al opgradeer.  Wel, daar gekom, moes ek toe nou hoor ek moes nou minute neem om gratis data te kry want hulle is besig om die lugtyd kontrakte uit te faseer.  Maar soos almal weet, het Mtn mos die goedkoper oproep en sms tariewe gehad wat op “Pay as you go en lugtyd gebruikers werk maar nie met minute nie. Hulle het dit steeds. Maar hy het nie op die stadium die foon beskikbaar nie.  Maar met Homer se vorige authorization op sy stelsel, is dit geen probleem nie.  Ek kon maar kom teken wanneer hy die foon ontvang.

Teen die tyd dat ons weer tuis gekom het, het my grysstof al begin werk.  Hoe kan die nuwe kontrak met die duur oproepe tot my voordeel wees?  Toe hy my sowat twee weke later bel om te sê hy wag nog vir die “simpel” foon om te kom, maar hy het ‘n “beter”foon wat hy my kan gee vir net so effens meer.  Toe het ek gesê ek stel nie in die minute belang nie. Ek soek lugtyd en gratis data of ek stel nie belang nie.  Ai tog.  Simon het uit sy pad gegaan en kon my uiteindelik ‘n baie beter foon gee vir dieselfde prys.  Maar die ding is mos, dis die lugtyd en gratis data wat ek wil hê, nie die beter foon nie.  Uiteindelik het ek hom gesê aangesien die “authorization”nie die doel spesifiseer nie, kom ons gebruik dit en skakel my nommer om na pay as you go.  Sjym man, toe Simon agterkom “he’s been had” het ek dit amper weer gekanseleer so jammer was ek dat sy hulpvaardigheid hom ‘n fout laat maak het wat hy nie trots op is nie.

Die jaar was dit mos nou Homer se beurt om te “upgrade”. Dieselfde storie. Maar hy het soveel lugtyd dat hy nie kan omskakel nie.  Want as hy nou pay as you go gaan, gaan hy die lugtyd (net onder R1 000) verloor. So dit gaan nou al om en om sedert Januarie.  Hy kry nie lugtyd klaar gebruik nie.  Want wanneer hy nie afslag kry nie, dan kry hy wragtig lugtyd as ‘n oproep ‘n sekere tydsduur oorskrei.  Anderdag bel hy hulle want sedert die einde van die kontraktyd, was sy rekening nie aangepas nie.  Hy het twee kontrakte, een vir sy tablet en een vir die foon.  Dadelik maak hulle hom ‘n goeie aanbod met sy ou toestelle.  Regtig, jy sal nie eers by Pep goedkoper lugtud (nie minute nie) kry nie.  Hy aanvaar.  Maar hulle sal nou vir hom nuwe simkaarte moet stuur. Hoekom?  Nee dis maar hoe dit werk.

Vandag kom die koerier hier aan met die twee koeverte.  Hulle het gister gebel om te sê hulle kom.  Hy moet proof of (FUCKING) residence en ‘n kopie van sy id reghou.  (“N KOPIE IS MOS EEN?) Vandag is hy uithuisig om ‘n werk te doen en die meneertjie dring aan Homer moet teken.  Hy het die mens wie gister gebel het, uitdruklik gesê hy sal nie tuis wees nie.  Die koerier bel toe sy “Manager”en die sê toe hy kan die PROOF OF (FUKING) RESIDENCE waive, maar daar moet TWEE id kopieë wees en Homer moet persoonlik teken.

Wel, toe staan Olga regop in Olga.  Toe vertel ek hom om die ou koevertjies vir sy manager terug te gee en die manager te vertel hy kan Mtn laat weet hulle stuur die ou simkaartjies met ‘n ander koerier of hulle druk hulle kontakte waar die son nie skyn nie. Arme man kon eenvoudig nie sy kop om sulke kak kry nie.  Staan hy voor my en bel vir Homer om te kla wat sy “spouse” doen.  om toe net te hoor “Well, in that case you can personally in person, tell you manager te do as my spouse said.” Fok DST couriers en Mtn met lof.  Ek kan ander diens leweraars kry.

Gedagte van die dag:  Fok hulle weer.

Oktober 12, 2017 at 11:42 vm 5 Kommentaar

Wie gaan my help?

Kyk as Willetjend nog in die omtrek was, sou ek beslis ‘n kans gewaag het.  Dan sou ek 90% seker gewees het van ten minste ontsnapping.  Beter nog sy sou kom help het, ons sou so getantrum het, SAPD sou ons uitgesmyt het net om ‘n mate van vrede te hê. Maar toe krap sy ‘n man uit en sabander uit blogland en sederdien was ek verplig om in my spoor te trap.

😆  😆 Hoekom kla ek nou weer?  Elke keer dat &^%$#%^&^ Telkom hulle leer komoprig hier buite teen die paal, het ons dae lank geen internet toegang nie.  Nie eers laat in die aand nie.  Julle sal nie weet hoe ek begeer om by die hek uit te storm en daardie verbrande leer te gaan omskop as die tegnikus daar bo teen die leer staan om in daardie kassie te karring nie.  Maar ek wil gn niks my hakke gaan skop in ‘n aanhoudingsel nie.

Ek sal ‘n moord begaan.  Nee, ek sal tien teen een vermoor word.  As ek nou van binne kon tantrum en Willetjend van buite sou hulle ons altwee uitgesmyt het.  Die mannetjie stry blou moord, hulle “werk”kan geheel en al nie ons sein beïnvloed nie.  Maar ek belowe julle hy praat snert.  Want elke keer as een van hulle teen die paal opgaan, is ons sein moerland toe.

Gedagte van die dag:  Vasbyt Olga.

Oktober 9, 2017 at 10:28 nm 11 Kommentaar

tol se hol

 

 

Ek was onlangs vir ‘n ruk in Gauteng.  Om daar te kom, moet ek deur drie tolhekke gaan.  Eerste is Machado plaza wat ‘n allermintige R83 kos.  Hoe nader aan GP, hoe goedkoper raak dit darem.  Middelburg plaza is R56 en natuurli, die laaste een, Diamond hill plaza is maar net R34.  Ai, ek is so gewoond aan net’n kaart aanbied dat ek gewonder het of ek tolgeld kon afwerk deur die pad te was.  Nooit besef mens kan net met ‘n kredietkaart wat ek nie besit nie, betaal.  Maar dikwels lê wonders ook maar in die pennybox waar die munte vir die karnar gebêre word.

Nou hoekom ag ek dit gerade om dit te noem?  Die liewe padwerke.  Goeie geeftag.  Dis seker ‘n hele dekade, (tien jaar) laas dat daar nie padwerke was nie.  Dat ek by die huis in my Fordjie kon klim en regdeur ry Pretoria toe sonder om een Stop/Go te kry.  Dis nou, as ek reg onthou.  Ek het met die gaan vyf gekry.  Met die terug kom ook vyf.  Vier van hulle tussen die Machado en Sudwala afdraai.  Moet egter nie dink dat hulle jou ‘n rand afslag sal gee vir die ongerief wat die bog jou op die hals haal nie.

Toegegee, die padwerke is tot voordeel van die gebruikers.  Maar en dis die deel wat ek nie kan klein kry nie.  Hoekom word 1okm pad toegemaak sodat hulle op 150m kan werk?  Dan staan daar ‘n paar mense by die “Stop” Dan is daar vir kilometers niks en niemand te bespeur nie.  Nie eers pad wat stukkend gekap is nie.  Dan kry jy ‘n trok staan.  Werker wat voet op die buffer, hande in die sye die verte instaar.  Die vier wat saam met hom ry, staan aan die agterkant van die trok en gesels. Volgende kom ‘n roller aangery.  Op ‘n stuk pad waar geen rolwerk nodig is nie.  Tensy natuurlik die roller die teer nou moet sagmaak vir die opkap.  Dan kry jy ‘n stootskraper verlate staan.  Dan weer tien werkers op ‘n vroee/laat teebreek. Of hulle wag vir vervoer om hulle die 500m na die eintlike padwerke te neem.

Volgende kom jy op die stuk af wat nou eindelik aan gewerk word.  ‘n Hele knoop mense wat die pad toestaan.  Dan verstaan ek nou hoekom daar twee bane weerskante toe toegemaak word. Twee mense loop en vee vee met groot besems.  Twee het grawe met ses teerklippies op waarmee hulle die kant toe en daardie kant toe steier.  ‘n Volgende een staan gebukkend seker om te tel hoeveel klippies uit die grawe gelaat is.  Tussen in staan daar minstens twintig mense en niks doen nie.  Kilometer verder kom jy op die teertrok af.  Dit staan net daar met nog ‘n roller langs aan en ‘n trok met klip wat seker met bietjie teer geverf gaan word voordat die twee voertuie die kilometer terug gaan ry om die twaalf geverfde klippies op die grawe te gaan aflaai.

Dan vir die volgende twee kilometers is daar weer niks en niemand nie voordat jy nou op die lang ry voertuie afkom wat in die volgende baan wag om deur die “Go”bordjie en groenliggie teen ‘n lang paal die goedkeuring te kry om verder te ry na die volgende tyd, geld en humeur mors punt dalk so agt kilometers verder.

Amper vergeet ek om die entrepreneurs te noem.  Een het daar gestaan met ‘n pnp trollie met ‘n bak gekookte eiers, sakkies cheesenaks, blikke koeldrank ens in.  ‘n Ander het geloop met ‘n karton dosie wat seker maar min of meer dieselfde produkte in gehad het.  ‘n Ander met ‘n skottel mielies, een met toebies en vetkoeke.  Maar kyk die hel was los toe ‘n smous aan die Fordjie se venster kom klop het.  ‘n Hondesnotstreep teen die agtervenster wys waar Sussietjie die smous probeer beetkry het en een op die voorvenster wys Lapman se dapper poging.  Gelukkig was dit die smous met die trollie anders sou ek seker skadevergoeding moes betaal omdat die vindingryke entrepreneurs nie my en my honde ons spasie gegun het nie.

 

Gedagte van die dag: ons het darem veilig tuis gekom.  Snotstrepe en al.

Julie 12, 2017 at 10:26 nm 11 Kommentaar

Wat ‘n irritasie.

 

Voorheen het ons in die bos gewoon.  In een van net nege huise.  Ons het elf jaar daar gewoon.  Dikwels was die waterdruk so swak dat dit tot tien minute kon neem om sowat tien cm water in die bad te tap.  Van tuin natlei was daar op sulke dae natuurlik geen sprake nie.  Maar….. ons het water gehad.

In alle eerlikheid kan ek dalk sê dat ons agt dae uit die elf jaar nie water gehad het nie.  Soos in niks.  Jy draai vroegoggend die kraan oop en daar kom net ‘n druppel of twee water uit.  Dan was dit ‘n geval van, “wel, ou girl, jy woon in die bos, wat verwag jy?  Dan moes ‘n tegnikus van die buurdorp of van “hoofkantoor” af kom en teen vanaand het ons water gehad.

Nou woon ons in die dorp, daar is dan twee tegnikuste in die dorp en elke tegnikus het ‘n assistent.  So probleme behoort spoedig opgelos te wees.  Reg? VERKEERD!!!!  Nou het ons agt dae per maand nie water nie en dan hou dit meestal ‘n week of twee voordat die probleem opgelos is.  Huidiglik is ons sedert Sondag aand sonder water.  Vanmore twee uur was daar water.  Kom my afspraak met die stort, toe is die kraan droog.  Kyk die hooftegnikus ken Homer se nommer al so goed, as Homer bel en hy kan nie antwoord nie, sal hy terug bel en “Mr Oksle, I see you phoned me earlier…

Gedagte van die dag:  Ek hoop julle het ‘n menseregte dag vol genade en menseregte gehad.  😉  Soos die basiese regte wat julle elke maand voor betaal.

Maart 21, 2017 at 3:23 nm 11 Kommentaar

Older Posts


Onlangse Bydraes

Wie ruik?

website counter