Toekatokkel 25 Drome

Scraps se uitdaging is oor drome.https://scrapydo2.wordpress.com/2016/07/21/toeka-tokkel-no-25-droom/

As dit by drome kom, weet ek oor die algemeen nie of ek daaroor wil lag of huil nie. Jy kry mense wie soveel waarde aan drome heg, dat dit regtig ‘n vreesaanjaende besigheid is. Ek kan dikwels onthou ek het gedroom, dankie tog, ek onthou nooit of dan bitter selde wat ek gedroom het.

So het Sweetie se man desjare altyd by ons aangekom met sy drome, want hy het die droom aan die pries voorgele en die het die droom uitgele. Ja, natuurlik is hy ‘n ou apostel. As my wyse Moeder hom al sien aankom het, het sy gese “Joseph is wearing his coat again.” Vra my nie hoe nie, maar sy was altyd reg. Dan het hy so droom kom verkondig.

Sy sou hom dan altyd vertel het om sy drome om te draai. Of dan die teenoorgestelde voor te hou. Wanneer hy gedroom van ‘n ou vrou, beteken dit ‘n jong man en so voorts. Ek sal nou nie weet of die pries se uitleg ooit waar geword het nie, of hy ooit die teenoorgesteld van sy droom ervaar het nie. Ek het net nie genoeg belang gestel nie.

Ek weet wel dat ek my nie steur aan die drome wat ek wel onthou nie. Dis oor die algemeen iets wat ek gelees of op tv gesien het en dan dae later iets in dien voege sal droom. As ek nou drome kop toe gevat het, kan julle dink wat sou gebeur het as ek dalk gedroom het ek was ‘n slagoffer in ‘n staking of van ‘n roof? Kyk, daar sal nie met my huis gehou kan word nie. Ek dagdroom eerder hoe lekker ek met Blaffer en my meid in die bos gestap het.

Gedagte van die dag: Ons politisie lewe in ‘n droom.

Advertisements