Toekatokkel 15: Legkaarte

Scrapy se nuutste tokkel uitdaging is oor legkaarte.

Ek moet erken, ek het dit op ‘n stadium baie geniet om legkaarte te bou. Ek soek die stukke uit, iemand anders bou dit. Ek praat onder korreksie, maar ek dink ek het vir Ousus haar eerste legkaart gekoop toe sy maar net oor die twee jaar kerf was. Nog voordat sy drie jaar oud was, kon sy ‘n honderdstuk legkaart al aanmekaar gesit het. Dan moet ek byvoeg, die stukke van al haar legkaarte op daardie stadium het saam geloseer in ‘n groot lee koffieblik.

Sy het sommer korte mette gemaak van die legkaartstukke tussen die ander uit te soek en dan sommer te bou ook. Ek sou soms se sy moes die legkaart onderstebo bou. Sy sou eers “Hoekom” maar dan dit tog doen. As die legkaart stukke stewig was, kon ek maar omdraai, oor die algemeen sou dit korrek gewees het.

My ander kinders kan ook legkaarte bou, maar het dit nie tot dieselfde mate geniet as Ousus nie. Ek aan die ander kant, sal veel eerder blokraaisels voltooi.

Gedagte van die dag: Vertel ‘n legkaart ook net ‘n duisend woorde….

Advertisements