Ou flieks

Afrikaanse Afrikaans.  Weinig vloekwoorde.  Weinig geweld.  Swak beeld.  Klank maar so – so.  Wat gee ‘n ou fliek dan so ‘n bekoring?  Ek meen nou ‘n ou Afrikaanse fliek.  Die afgelope naweek was my noolste Nolie en sy Mina tuis vir die naweek.

Ons het later besluit om ‘n dvd te kyk.  Nolie het die dvd gekies.  “Ma Skryf matriek” was sy keuse.  Kan jy nou meer.  Daar sit en brul hulle van die lag.  Hulle het dit ent uit gekyk.  Sy tweede keuse was ‘n hedendaagse fliek “Have you heard about the Morgans” ag, dit was nie tien minute later nie, toe speel die dvd vir ditself.  Geen kykers nie.  Die tegnologiese wonder kon toe nie opweeg teen ‘n bietjie humor uit die 1970’s nie.

Ek wil graag “Grensbasis 13″ met my kinders kyk.  Oeee, en die spook van Donkerhoek.”  Ag, en “Piet se tante.”   Dit was ook  maagpyn snaakse flieks daar uit die jare toet.  Of die aangrypende “Lelik is my offer.”  Watter ou Afrikaanse fliek het jy gekyk en so geniet dat jy dit nog onthou?

Gedagte van daie dag:  Afrikaans kan nie sterf met sulke juweeltjies nie.