Sewe sondes/skandes

Dit kan ek dalkies maal tien doen, Toorts, maar vrek, ek beleef droogte. Hier is geen bloggers om te tag nie. Ek kan beslis nie weer vir Grieters tag nie. Almal het haar seker reeds getag. Bessie vee haar gat aan my af, sy sal gn niks met niemand deel nie.

Ewentwel, sondes??? Skandes??? Wat niemand nie alreeds weet nie??? Laat ek kyk wat ek kan doen want Toorts het my nou getag.

1. Ek is die luiste mens wie ek ken. As ek ‘n ding nie hoef te doen nie, doen ek dit eenvoudig nie. Sou Homer, (wanneer hy wel hier is) Bessie, Toughey of Rusty dit waag om my daaroor aan te spreek, vertel ek hulle vinnig waar die busstop is.

2. Ek geniet my eie geselskap terdeë. Buitendien, as niemand by my huis kuier nie, maak hulle niks vuil of deurmekaar nie. Dit pynig my om dieselfde ding oor en oor te doen. Buitendien,

3. Ek hou te veel van skinder. Bessie, Toughey en Rusty dra gelukkig nie stories oor nie. So as niemand kuier nie, dan hoef ek by niemand te kuier nie. So hoor ek geen stories nie en kan geen stories verder versprei nie. (Hoekom sê mense tog so graag “Dit moet asb net tussen ons bly?”)

4. Ek leen niks nie. Ek kom eerder sonder klaar, as om te leen. Ek het al dikwels gewonder of dit oor “vanity” of daardie vieslike gogga “trots” is. Ek kon dit egter nog nooit antwoord nie. My geliefde blou-oog mensies, my kleinkinders, is egter vir my geleen. Hulle is my suster se dogter se kinders. Dankie E.

5. Ek het prostese. Ek sal nie sê wat of waar nie, net dat ek dit het.

6. Ek is selfsugtig en verpes partytjies, veral troues, stork parties en kitchen tea’s met ‘n passie. Hoekom gat maak daarvan? Ek kon nog nooit die pret daarin raaksien nie. Ek is nie ‘n mense mens nie. Die “speeches” ding op troues is veral lam.

7. Homer se vriend wou my eenkeer soen. Ek kon die vent nie eers wegstoot nie. Ek het eenvoudig daarvan weggeloop. Ek het geskree van die lag vir sy verwaantheid. Het die skepsel werklik gedink ek sal sy attensies verwelkom of toelaat? Die uitdrukking op sy gesig was hilarious. Ek dink hy was lank daarna erg benoud dat ek Homer of sy vrou sou vertel.

Tevrede Toorts?