Vat jou goed en trek

Ek dink die persoon wie in die buiteland gaan vakansie hou, ‘n mens ontmoet, verlief raak en daar bly, kan ek voor respek hê.  Alles is mos geregverdig in liefde en oorlog.  (Nee, ons land was 1899 tot 1901 laas in oorlog gewikkel.  Ek praat onder korreksie oor die datum en niks anders nie.)

Tydens die eerste en tweede wêreld oor log het Suid Afrika soldate gestuur wie aan die oorlog deel geneem het, maar die oorlog was nie in Suid Afrika nie.  In elk geval, ek dink om jou land, jou familie, jou mense vir liefde prys te gee, is edel.  Maar vir die persoon wie sy Vaderland verlaat om “‘n beter lewe, ‘n veilige lewe, meer geld , meer sekuriteit ens”  te gaan soek?   Aikona.  Die persoon het soos ‘n lafaard gevlug.  Ek dink die persoon het die reg verbeur om hom of haar self ‘n patriot te noem.  Die persoon het na my mening die reg verbeur om sy taal te praat.  Toon dan ten minste die nuwe land wat jy gekies het vir die beter, veiliger en ryker lewe die respek of dan dankbaarheid vir die heenkome wat jy daar vind deur hulle taal aan te neem.  Deur jou kinders wie daar gebore is, die taal van hulle nuwe land te leer en getrouheid teenoor die nuwe land in elke opsig.  Maak ‘n huwelik daarvan.  Jy het uit vrees of hebsug jou rug op jou land gedraai en ‘n ander heenkome gaan vind. 

 Doen ons, wie agter bly die eer aan en bly weg wanneer dinge in jou ou land verbeter het.  Moenie dan met jou  kamma  trots terug kom en ‘n werk kom opneem wat die mense wie agtergebly het om die land veilig te maak, om die land leefbaar te maak, om die land ekonomies sterker te maak toekom nie.  Jy verdien nie die werk nie.  Jy verdien nie die huis wat jy met daardie dollars, ponde of euros kom koop tussen ons nie.   Gaan spandeer daardie dollars, ponde en euros in die land wat jou geherberg het.

Gedagte van die dag:  Dis net Olga wie so voel.  Elke mens is op sy eie keuse geregtig.