Superheld….

Mense, ek dink die helde word gebore hoor. Hy val gn niks uit ruimtetuie of val van die een of ander planeet af nie. Ek het my superheld ontmoet toe hy minder as ‘n week oud was. Sy ou naelstringetjie was nog aan.  My Pokkadillie.

frik

Verlede jaar moes sy mamma ‘n galblaas operasie ondergaan in Pretoria en hulle woon mos daar bo in Mpumalanga, so ‘n katspoegie weg van die Swazigrens.  Tannie Olga pak toe maar vir Oupa Homer in die Fordjie en daar gaan ons kinders oppas.  Die volgende wat ons gehoor het was dat die operasie goed afgeloop het.  Maar die middag is huiswerk afgehandel, leer is gedoen en ek en my Pokkedil, oupa Homer en Jessie sit en kuier om die kombuistafel terwyl die groente vir aandete voorberei en ons “I spy” speel.

Pokka wil toe weet “Ouma, het jy ooit ”n rybewys?” Dit terwyl hy al honderde kilometers saam met my met of sonder sy ouers afgelê het.  “Ja, ek het” en vermoed dat die volgende I spy gaan seker nou ietsie liggroen en pienk wees.  Maar pleks daarvan, vra hy of hy dit kan sien. Ek haal dit so ewe uit die omslag van my selfoon en hy bekyk die ou reghoekie heel aandagtig. Toe gee hy dit vir Jessie aan. Sy het gekyk en gesê sy sal ook eendag een kry.

Toe vra hy “Wanneer moet Ouma dit hernieu?” Ek sê toe “Binnekort.” “Knik sy koppie so ernstig. “O sê hy. “Dit maak sin, want hier lyk Oums net 29 jaar oud.

Mag jy nooit jou sjarme verloor nie Skattebol.

Gedagte van diè dag: Hy sal altyd my superheld wees.

Advertisements

Mei 15, 2018 at 11:37 vm 6 Kommentaar

Voeg tog nuwe artikel by

Ek kan nog steeds myself soos Repelsteeltjie aan die voet beetkry en van skone moerigheid mitteltwee skeer. Kon sit ek en sit die wifi goggatjie aan, dan flikker die liggietjie tot Piet nie meer wil kom nie.  Bel Vodadonnercom en hoor “reset”.  Hoekom de vy moet ek heeltyd reset?  Dit gaan nie beter konnekteer nie.

Ek raak sommige dae so kwaad. Ek wil die muur buite vol ghries gaan smeer sodat Telkom se narre se leer gly en hulle nie teen die paal kan op nie.  Maar…. Ek hom agter dis nie net vodacom wat my keer nie.  Ek het die naweek kom sit, dan het die liggie groen vasgebyt.  Dan lui my telefoon.  Ek het ‘n vriendin wat ‘n powerhour koop en die hele uur ompraat.

Maar ons stryd bly maar met vodacom.  Eintlik is sein in sy geheel ‘n probleem.  Die kinders probeer my altyd om ‘n landlyn met adsl te laat insit.  Glo baie minder moeite.  Hoe meer die probleme vir hulle noem, des te meer stry hulle met my.  Maar nou ja, daar is mense wat  adsl en wifi het en dan sweer hulle het meer sukses met die wifi.

So ek sal maal aanhou probeer. die anderaand het ek van 21:00 tot 1:00 Free Cell gespeel voordat die liggie uiteindelik op groen vasgebyt het.  Toe het ek net nog die energie gehad om te skryf en stuur wat gedoen moes word sodat Homer nie dikbek soos ‘n kleuter hier rond moes stap nie. Toe was my gô behoorlik uit.

Ten minste kry ons nog nie beurtkrag nie.

Mei 14, 2018 at 11:18 nm 10 Kommentaar

Bid vir reën

Ek sit en luister hoe die reën daar buite val en weet ek het onlangs tydens mis, ‘n gebed gekry vir reën in die droogte geteisterde dele van ons land en meer spesifiek vir die Wes Kaap wat huidiglig gebuk gaan onder die ergste droogte die afgelope 123 jare.  Ek het gou my handsak gaan omkeer om daarna te soek.  Bid asseblief saam.  Ek was onlangs in Kaapstad en dit is vreeslik om die ou plante so vergaan te sien.

“Prayer for Rain (in all drought stricken parts of our country South Africa)

O God, our Creator, you are the source of all life. It is through your divine providence and infinite power, that the wonder and splendor of all creation surround us. “How majestic is your name in all the earth.” We pray to you who calms the raging waters and commands the wind, to provide us sufficient rain to meet our needs.

During this time of drought, we are mindful of our dependence on you for all that sustains our body and soul. We pray for the cooling, gentle rain that will once again bring life to the fields and crops that feed us, restore the colorful rainbow of flowers and the cooling shade of the trees.

We also pray for all those who are suffering from natural disasters. May they look to you for the strength to restore their lives and heal their wounded land.

Help us to always be good stewards of your creation and care for the many resources of this earth.

May your grace refresh our souls

In the name of Jesus Christ we pray.

Amen

Februarie 25, 2018 at 10:30 nm 5 Kommentaar

Wil jy glo?

 

Ons het gister gou vir ‘n heen en weertjie Hazyview toe gegaan.  Eers gou oor die brug oor die pad om by Kies en betaal uit te kom.  Aangesien dit einde van die maand is, het ek maar gou eers by Edgars ingedraf want wie weet wanneer ek weer ‘n geleentheid gaan kry om my ou rekening te betaal?

Van daar af kies ons koers Koop en betaal toe. Maar dit lyk of hulle ‘n goeie dag gehad het, die rakke is taamlik leeg.  Ek kry my goedjies so vinnig as wat ek kan want ek wil nog gou by Checkers ook inloer.  Soos reeds gesê, dis einde van die maand, die toue staan tot in Kaïro.  What do you know?  Een till is daar net twee persone en geen bordjie wat sê “Closed after next customer” nie. Daar vind ‘n hele gesprek plaas tussen die dame tweede in die ry en die kassiere.  Die dame wie se inkopies opgelui word vererg haar toe daar alweer ‘n fout begaan is en spreek die twee sommer kwaai aan.  Ongelukkig verstaan ek nie hulle taal nie, maar ek kan sien no 1 is kwaai.

Nadat sy klaar en weg is, sit no 2 haar goedjies neer, sommer met die derde item is daar ‘n fout, die supervisor kom by en die item word gevoid en gaan gratis deur.  Nice.  Die supervisor is net verby die derde til van ons of of dit gebeur weer en ‘n ander supervisor word nadergewink.  Weer gevoid en kry sy pad gratis plastiese sak toe.  Toe sit no 2 ‘n pakkie broodrolletjies neer.  Dit word opgelui, R22,49.  Duur vir ‘n dosyn broodrolletjies, dink ek, maar not my circus nê.  Sy trek dieselfde pak broodrolletjies ‘n tweede keer deur en ek dag, geeftag, daar is meer as ‘n bakker se dosyn rolletjies in daardie sak.  Is dit R22,49 vir twee dosyn?  Maar no 2 was dan minder slim, meeste van daardie broodjies het al begin squash.  Steeds nie my sirkus nie.  Kassiere trek daardie pakkie rolletjies stroes Bob ‘n derde en vierde keer deur en weer word die kop gedraai, ‘n derde supervisor kom by.  Pakkie rolletjies gaan toe ook verniet sakkie toe.

Uiteindelik is no 2 daar weg met twee sakke kruideniersware wat na my mening R400 moes wees vir die goeie prys van R118, 96.  Ons het betaal en ons is daar weg.  Gou deur Checkers gedraf en ek laat Homer om die inkopies te bêre en drag solank Game toe.  Sommer die die intrap loop ek teen no4 en haar gade vas.  klink soos Skotte.  “Hav je seehn whaat hapened bak there then?”   vra die dame my.  Ek speel toe maar onnosel en vra wat het gebeur.  Kom daarop neer dat alle duur items in no 2 se waentjie verkeerdelik opgelui is en soos per PNP decree, moes dit dan gratis gegee word.  Ek sê ek het niks agtergekom nie.  Wat het sy daaromtrent gedoen?  Sy het die bestuurder gaan vertel terwyl my goedjies opgelui was en die waardige man sê sy kassiere sal “Hardly ever do a dishonest thing like that.” Ja, rite laat my wonder hoe lank nog voordat hulle ook hulle gatte sien.  Maar soos ook reeds gesê, “Not my circus, not my lions.  (Anders word ek ook gestenig. Sekere primaat spesies is mos outomaties ‘n belediging.)

Gedagte van die dag.  Lekker Nuwe Suid Afrika!

Januarie 30, 2018 at 8:44 vm 16 Kommentaar

Wat gaan aan?

So dikwels kry ek ‘n boodskap wat sê “Gaan kyk of like my foto’s op fb.” Nou kyk, ek doen al jare lank nie meer fb nie.  So dan wag ek maar tot Homer op die internet gaan en gaan kyk dan die foto’s.  Maar o wee! Die kennis het net mooi presies nege fb profiele.  Of is dit blaaie?  Ek vra watter een want almal het dieselfde foto’s.  Sy weet nie.  ‘” Die nuutste een.” For the love of ‘Arry.  Ek moes al nege oopmaak om die regte een te kry.

Sy is nie die enigste nie.  Wil lyk of baie mense glo in meer as een fb rekening.  Vergeet hulle die pin dat hulle elke paar maande of is dit dalk elke keer as hulle nuwe foon of tablet kry? Genugtig tot nou toe nog toe.  Jy kan tog sekerlik jou pin van fb af aanvra as jy dit vergeet het.  Ek het nie ‘n “Little black book” nie, maar wel ‘n klein grys boekie waar ek weer my mensies se bedsokkie grote elke jaar skryf, as ook hoeveel steke en rye gebrei het. Maar so elke paar bladsye is daar onderaan ‘n random woord geskryf.  Verbasend genoeg is dit soms pin’s.  Soos vir Pinterest en Elle ens en meestal onthou ek watter pin gaan met watter tuiste.

Gedagte van die dag:  Skryf jou pin agter op die almanak neer en volgende jaar as jy nuwe almanak kry, skryf dit maar weer neer. So het jy dit mos altyd.

 

 

 

 

 

 

 

 

 

Januarie 28, 2018 at 11:25 nm 7 Kommentaar

Is vrede vir die voëls?

Wee julle!  Ek kan nie meer nuus lees of kyk nie.  Dis elke keer net groter bollie te sien.  Gratis huise, gratis elektrieseteit, gratis tersiëre opleiding, gratis dit, gratis dat.  Bolle man. Wat het enige een gratis gekry terwyl die Np aan bewind was?  Sweet blue niks.  Hoekom moet daar nou gratis uitgedeel word aan ‘n sekere groep Suid Afrikaners?  Skoon suiwer hebsug, gierigheid, begeerte.

Geen wonder die land is in die gemors waarin dit tans verkeer nie.  Gaan daar ooit weer vrede wees?  Nadat Mandela aan bewind gekom het, het Suid Afrikaners nogal ‘n goeie poging aangewend om ten minste verdraagsaam teenoor mekaar te wees.  Nou, byna vier en twintig jaar later, blyk dit dat net kwaad saai oor is.  As “politieke leiers” se monde oopgaan, saai hulle onmin en gif.  Dan is daar nog steeds ‘n groot meerderheid vn die landsburgers wat alles glo wat aan hulle voorgehou word.

Laat ons maar aanhou bid vir die ou landjie van ons.  Ons het immers geen ander nie.

Gedagte van die dag:  Self respek begin met respek vir wat nie joune is nie.  Bly veilig mede Suid Afrikaners en onthou om more te bid vir wat jyu vir Suid Afrika wil hê.

 

Januarie 15, 2018 at 11:07 nm 3 Kommentaar

2018

Ek hoop julle het ‘n wonderlike kersfees met julle geliefdes gehad.  Baie geluk en voorspoed, liefde, vrede en vreugde wens ek elkeen toe.

Desember 31, 2017 at 11:59 nm 5 Kommentaar

Older Posts


Onlangse Bydraes

Wie ruik?

website counter