Gedagte van die dag: leef en laat lewe.

Geniet die naweek. Ry versigtig en wees veilig.

Ai tog, daar gebeur dit toe ook weer. Dis regtig lagwekkend. Ewe skielik is al wat politieke ontleder is, teen Mal ema se skorsing uit die anc. Eerlik nou, kan ‘n dertigjarige nog wragtig deurgaan as ‘n jeugdige? Plaas van doen hy ook aansoek om vir Young Versace te gaan model. Hulle hou blykbaar van die kinky angle. Dink net hoe sal hy lyk met so ‘n kort, mikro mini, ‘n stywe top en oop bene. Whoop whoop!!!!

gedagte van die dag:Wat rondom ons gebeur, is buite ons beheer. Die manier waarop ons daarop reageer, is egter nie.

Homer, die honde en ek het gistermiddag gaan stap en dis ongelooflik as ons nou sien hoe hoog die water Dinsdag opgestoot het. Dit het egter heeldag te hard gereën so ek kon nie rivier toe gestap het nie. Ek is seker dit sou ‘n fantastiese gesig gewees het. Veral as ek sien hoe hoog op die opdrifsels lê wat die rivier uitgespoeg het.

Dis vandag drie dae sedert die reên opgehou het, dog die rivier loop nog sterk. Dis vir ons wie die rivier ken, veral aan die afloopkant opmerklik dat die water sterk genoeg loop om skuim te maak waar daar normaalweg net ‘n effense kabbeling gesien kan word. Dis dan dat ek stil word, in dankbaarheid dat ek nie in die pad van die watermassa was nie.

Ons het eendag, sowat vier jaar gelede van die dorp af gekom en die laagwater-brug was oorstroom. Terwyl ons in die Fordjie gesit en foto’s neem het, het iets met ‘n kamoerse knal teen die brug vas gestamp. Dit was ‘n boomstomp. As ek kan raai, sou ek sê die gedeelte wat bokant die water en brug sigbaar was, kon twee verdiepings hoog gewees het. Toe val dit met ‘n spierwit gespat van skuim oor die brug voordat die water dit weggevoer het. Dit was regtig iets om te aanskou. Net jammer ek het net my foon by my gehad. Maar self as ek my kamera moes gehad het, sou daar net eenvoudig nie tyd gewees het om die foto te neem nie.

Gedagte van die dag: Gryp die oomblik en maak dit joune. Jy sal nooit weer die geleentheid kry nie.

Die meeste mense gaan harder werk en meer produktief wees na ‘n woordjie van dank, ‘n woordjie van prys
as nadat hulle gehoor het daar was wins gemaak.

Onthou, gelukkige mense is produktiewe mense.

Geniet die naweek.

Geen wonder ek was nog nie die week daar nie.

Wille Kjind se gunsteling

gedagte van die dag: Tree versigtig. Stap doelgerig.

Gedagte van die dag: Die lewe is wat ons daarvan maak.