Skrik nie

Ek, Olga Oksel skrik mos nie vir ‘n uitdaging nie.  Ek het een aand gesien Sonkind het op my post kommentaar gelewer, toe klik ek op haar naam, kom op haar blog, lees en tel toe.  Sweet, daar was vyf name voor myne.  Toe kommentaar ek en sien ek is toe die vyfde skreeer op die post.  Wat beteken het ek het myself getag.  As ek kon, sou ek seker uitgevee het.  Maar nou ja, my wyse ou Moedertjie het geen banggat meisiekind grootgemaak nie.

So spring ek toe weg, winter was mos nie te ver weg nie.  Voordat ek nog vreeslik ver gekom het, het ek so ‘n ou ongelukkie gehad en was toe buite aksie.  Ek het later agtergekom met ‘n ruim porsie pyn, kon ek tik.  As ek nou kan tik, het ek geredeneer, kan ek dalk hekel ook.  Wragtig met minder pyn gepaard gegaan as die tikkery. Kom ek wys julle.

                                                       

Gou het ek genoeg blokkies gehad om die getal bedsokkies te kon lewer.  Die vasheg het so bietjie gesukkel,  maar ek het dit ook te bowe gekom.  As ‘n boer ‘n plan kan maak, wie sê ‘n Olga kan nie?

                               

Voorlank het hulle voor my gelê.  Vasgewerk, omgehekel en reg vir die pos.  Toe bly net die regte verpakking oor.  Toe die meisietjie by die skryfbehoeftes plek hoor waarvoor ek dit wil hê, het sy dadelik die antwoord, groot bubble koeverte.  Ek het een paar sokkies vir Grieters geoormerk.  Hare ingesit en geadresseer.  Die ander pare elk in ‘n koevert gesit en name opgeskryf.  Hulle  het dit nou verder in die winter in gekry as wat ek beplan het, maar, ja, opdrag is uitgevoer.

                                                       

Raai watter paar is Grieters sn?   

Gedagte van die dag:  God wil ons graag laat sukses behaal.  As ons motiewe reg is, sorg Hy vir die res.

Geluk net jou verjaardag my Bad Boy.  Mag God’s genade, geluk en voorspoed jou vergesel op jou lewenspad.